Дзяржаўныя сімвалы - гэта атрыбут незалежнасці Беларусі. Такое меркаванне выказаў Намеснік Прэм'ер-міністра Уладзімір Каранік на плошчы Дзяржаўнага сцяга ў Мінску.
Дзяржаўныя сімвалы - гэта тое, што нас аб'ядноўвае, упэўнены Уладзімір Каранік. "Гэта прыкмета дзяржаўнасці, атрыбут незалежнасці. Мы ў першую чаргу маладому пакаленню павінны прывіваць гордасць за сваю краіну, за свае сімвалы, каб кожны раз яны імкнуліся рабіць усё, каб праславіць сваю краіну. Таксама гэта важна і для таго, каб мы назіралі, як нашы дзяржаўныя сімвалы развяваюцца над міжнароднымі спартыўнымі арэнамі, каб яны асацыіраваліся з навуковымі дасягненнямі, дасягненнямі культуры, каб фактычна мы праслаўлялі сваю краіну на ўсіх узроўнях. Неабходна, каб дзяржсімвалы ў кожнага беларуса выклікалі гордасць", - лічыць ён.
Тое, што на такіх мерапрыемствах шмат моладзі, сведчыць аб тым, што ім гэта цікава. "Гэта таксама сведчыць аб тым, што мы сталі больш звяртаць увагі на патрыятычнае выхаванне моладзі, а яшчэ тое, што ў нас моладзь вельмі разумная, вельмі таленавітая, - сказаў віцэ-прэм'ер. - Яны зрабілі правільныя высновы і сваім удзелам галасуюць за мір, стабільнасць і развіццё".
Сёння ў нашай краіне святкуюць Дзень Дзяржаўнага сцяга, Дзяржаўнага герба і Дзяржаўнага гімна Рэспублікі Беларусь. Гэта свята ўстаноўлена ўказам Прэзідэнта ад 26 сакавіка 1998 года нумар 157 і адзначаецца кожны год у другую нядзелю мая.