Беларускі ВПК эфектыўна адаптаваўся да новых эканамічных рэалій і забяспечвае напрацоўку новых кампетэнцый і магчымасцей. Аб гэтым на адкрыцці XII Міжнароднай выстаўкі ўзбраення і ваеннай тэхнікі MILEX-2025 у Мінску заявіў Намеснік Прэм'ер-міністра Беларусі Віктар Каранкевіч.
"З правядзення папярэдняй выстаўкі мінула два гады, але за гэты кароткі перыяд беларускія збройнікі значна рушылі наперад, забяспечваючы паступальнае і інавацыйнае развіццё абароннага комплексу Рэспублікі Беларусь", - сказаў Віктар Каранкевіч.
Віцэ-прэм'ер адзначыў, што ў Мінскім міжнародным выставачным цэнтры, дзе праходзіць выстаўка, можна азнаёміцца як з найноўшымі перспектыўнымі распрацоўкамі айчыннага ваенна-прамысловага комплексу, так і з тымі, што выдатна сябе зарэкамендавалі.
"Гэта яшчэ раз пацвярджае, што галіна эфектыўна адаптавалася і функцыянуе ва ўмовах новых эканамічных рэалій, забяспечваючы напрацоўку новых кампетэнцый і магчымасцей. За гэтым стаіць праца шматтысячных калектываў, прадпрыемстваў і ваеннаслужачых", - падкрэсліў Віктар Каранкевіч.
На яго думку, MILEX - гэта выдатная пляцоўка для правядзення сустрэч, круглых сталоў, абмеркавання актуальных пытанняў бяспекі, абмену думкамі і заключэння ўзаемавыгадных кантрактаў. Віктар Каранкевіч пажадаў усім удзельнікам эфектыўнай і плённай працы, устанаўлення новых кантактаў і рэалізацыі планаў, накіраваных на ўмацаванне рэгіянальнай і глабальнай бяспекі і захавання міру.