Прэм'ер-міністр Беларусі Аляксандр Турчын падпісаў пастанову Савета Міністраў "Аб радыёчастотным спектры".
Дакумент абавязвае аператараў электрасувязі не дапускаць на асабовым рахунку абанента запазычанасці звыш пяці базавых велічынь (на сённяшні дзень гэта складзе 225 бел. руб.). Гэта дасць магчымасць, у прыватнасці, выключыць ненаўмыснае ўзнікненне ў абанента значных сум запазычанасці ў роўмінгу.
Дзякуючы аптымізацыі працэдур атрымання дазволу на права выкарыстання радыёчастотнага спектра тэрмін будаўніцтва аб'ектаў сотавай сувязі скароціцца больш як на 50 дзён, што накіравана на паляпшэнне якасці сотавай сувязі ў краіне.
Устанаўліваецца таксама абавязак аператараў электрасувязі праводзіць апытанні абанентаў аб якасці паслуг электрасувязі, рабоце сеткі электрасувязі і абслугоўванні абанентаў (з дапамогай СМС-паведамленняў і тэлефонных званкоў).
Для асоб, якія маюць дазвол радыёаматара, вызначаецца памер штогадовай платы за выкарыстанне радыёчастотнага спектра - 0,2 базавай арэнднай велічыні за кожны радыёэлектронны сродак, які выкарыстоўваецца.