Беларусь і Санкт-Пецярбург за пяць гадоў павялічылі тавараабарот прамысловых тавараў больш як у тры разы. Аб гэтым заявіў Прэм'ер-міністр Беларусі Аляксандр Турчын у час пасяджэння Савета дзелавога супрацоўніцтва Беларусі і Санкт-Пецярбурга.
За пяць гадоў тавараабарот прамысловых тавараў павялічыўся больш як у тры разы. Ёмістасць рынку Санкт-Пецярбурга і прапанаванне, якое пастаянна пашыраецца, з беларускага боку даюць магчымасць падтрымліваць дынаміку росту паставак беларускіх прамысловых тавараў", - сказаў Аляксандр Турчын.
Ён таксама пералічыў шэраг напрамкаў, якія будуць садзейнічаць развіццю супрацоўніцтва з партнёрамі з Санкт-Пецярбурга. "Сёння дадзены старт будаўніцтву Цэнтра беларускай тэхнікі. Задача цэнтра - стаць дадатковым драйверам росту паставак беларускай тэхнікі розных мадыфікацый для патрэб не толькі Санкт-Пецярбурга, але і ўсёй Паўночна-Заходняй акругі. Нам трэба прыкласці ўсе намаганні, каб пабудаваць гэты цэнтр у максімальна сціслыя тэрміны. Дарожнай картай яны вызначаны, але мне здаецца, што мы маглі б узяць на сябе павышаныя абавязацельствы і ў бліжэйшы час адкрыць гэты выдатны цэнтр, які будзе карысны як для беларускага боку, так і для Санкт-Пецярбурга", - адзначыў Прэм'ер-міністр.
Другі напрамак - стварэнне зборачных вытворчасцей тэхнікі на тэрыторыі горада. "У высокай ступені прапрацоўкі пытанне арганізацыі вытворчасці спецыяльных пажарных машын "Пажснаба" і пасажырскай тэхнікі "Белкамунмаша". Сумеснае прадпрыемства па вытворчасці ліфтавага абсталявання таксама мае намер пашырыць аб'ёмы вытворчасці і наменклатуру прадукцыі", - абазначыў кіраўнік беларускага Ўрада.
Трэці напрамак - заключэнне доўгатэрміновых, у тым ліку афсетных кантрактаў. "Розныя ўзоры беларускай тэхнікі (грузавой, пасажырскай, спецыяльнай) праходзяць выпрабаванні на прадпрыемствах Санкт-Пецярбурга. Пры неабходнасці вытворцы ажыццявяць адпаведныя дапрацоўкі. Сёння ў нашага вытворцы ўжо ёсць канкрэтныя прапановы па набыцці будынкаў для арганізацыі вытворчасці пажарнай тэхнікі і прапрацоўкі заключэння афсетнага кантракта", - праінфармаваў Аляксандр Турчын.
Перспектыўнай для развіцця супрацоўніцтва Беларусі і Санкт-Пецярбурга з'яўляецца і сфера АПК. "Беларускія прадукты харчавання карыстаюцца попытам і, па вялікім рахунку, з'яўляюцца адным з асноўных артыкулаў нашага экспарту. Таму на сённяшні дзень у горадзе створана разгалінаваная інфраструктура збыту беларускай харчовай і сельгаспрадукцыі, якая ўключае ў сябе як самастойныя гандлёвыя кропкі, так і работу з сеткамі", - падкрэсліў Прэм'ер-міністр.
"Санкт-Пецярбург за кошт развітога транспартна-лагістычнага складніка выступае своеасаблівай артэрыяй для паставак беларускіх прадуктаў харчавання ў расійскія рэгіёны. Гэта выгадна нам, выгадна і Санкт-Пецярбургу. Гаворачы пра лагістыку, не магу не адзначыць важны для абодвух бакоў праект аснашчэння беларускага грузавога тэрмінала ў порце Бронка. Ідзе рост перавалкі грузаў. Па меры аснашчэння да 20 млн т у год будуць яе аб'ёмы. Роля Санкт-Пецярбурга ў лагістыцы для нашай краіны ў сувязі з гэтым будзе толькі ўзрастаць. І яшчэ адзін перспектыўны напрамак - медыцына і фармацэўтыка. У гэтым напрамку дакладна неабходна ўзмацніць нашу работу, тут ёсць значны нераскрыты патэнцыял", - зрабіў акцэнт кіраўнік беларускага Ўрада.
Аляксандр Турчын і губернатар Санкт-Пецярбурга Аляксандр Бяглоў падпісалі сёння дарожную карту па рэалізацыі першага этапу праекта стварэння аб'екта культурнай дзейнасці "Цэнтр беларускай тэхнікі".
У Санкт-Пецярбургу далі старт будаўніцтву Цэнтра беларускай тэхнікі. Ва ўрачыстай цырымоніі закладкі капсулы прыняў удзел Прэм'ер-міністр Беларусі Аляксандр Турчын.
Дзякуючы мультыбрэндавай пляцоўцы Беларусь плануе павысіць эфектыўнасць пашырэння беларускай тэхнікі на расійскім рынку.
"Санкт-Пецярбург знаходзіцца ў авангардзе нашых намаганняў па выбудоўванні комплексных ланцужкоў тавараправоднай сеткі беларускай прадукцыі не толькі на тэрыторыі горада, але і далёка за яго межамі. Акрамя высокай ёмістасці рынку, Санкт-Пецярбург мае значныя транспартна-лагістычныя магчымасці. Пастаўкі сюды прадукцыі, у першую чаргу прамысловай, захоўваючы сваю актуальнасць, паступова падмацоўваюцца стварэннем высокатэхналагічных зборачных вытворчасцей", - сказаў Аляксандр Турчын.
Прэм'ер-міністр адзначыў, што Беларусь і Санкт-Пецярбург на працягу доўгага часу развіваюць стратэгічнае гандлёва-эканамічнае супрацоўніцтва. Бакі пастаянна працуюць над пошукам новых форм узаемадзеяння. Стварэнне мультыбрэндавага цэнтра беларускай тэхнікі - лагічны працяг сумеснай работы. Гэта першы аб'ект падобнага ўзроўню на тэрыторыі Паўночна-Заходняй акругі РФ.
"Мы прынялі рашэнне пайсці на гэты крок, таму што перакананы ў значным патэнцыяле развіцця Санкт-Пецярбурга як аднаго з найбольш магутных цэнтраў прыцягнення на еўразійскім кантыненце. Аб гэтым сведчыць міжнародны форум-выстаўка "Расійскі прамысловец - 2025", які адкрыўся сёння. Праект быў бы немагчымы без даверных і адкрытых адносін, якія склаліся паміж Беларуссю і кіраўніцтвам горада, асабіста з губернатарам", - адзначыў Аляксандр Турчын.
Прэм'ер-міністр дадаў, што на нядаўняй сустрэчы Прэзідэнта Беларусі з губернатарам Санкт-Пецярбурга Аляксандрам Бягловым двухбаковае супрацоўніцтва названа прыярытэтным. "Упэўнены, што сумесныя намаганні яшчэ не раз будуць дэманстраваць высокія вынікі і ўнясуць істотны ўклад у развіццё нашых адносін", - сказаў кіраўнік беларускага Ўрада.
Акрамя таго, Аляксандр Турчын наведаў патрыятычнага аб'яднання "Ленрэзерв", якому была перададзена памятная кніга пра генацыд беларускага народа, выпушчаная па матэрыялах расследавання Генпракуратуры Беларусі.
Па выніках рабочага візіту падпісаны дакументы, якія прадугледжваюць пастаўку ў Санкт-Пецярбург беларускай прадукцыі на 2,9 млрд расійскіх рублёў.
Дасягнутыя дамоўленасці знамянуюць новы этап развіцця шматпланавых адносін паміж Беларуссю і Санкт-Пецярбургам, які характарызуецца рэалізацыяй маштабных сумесных праектаў і паглыбленнем прамысловай кааперацыі.
У знак дружалюбных адносін у ходзе візіту галоўны мост Пецярбурга - Палацавы - афарбаваўся ў колеры сцяга Беларусі, што сімвалізуе асаблівы характар партнёрства дзвюх краін.
Фота: БЕЛТА
