Прэзідыум Савета Міністраў зацвердзіў Праграму дзеянняў Урада па развіцці супрацоўніцтва Беларусі з краінамі Афрыкі на 2026-2030 гады.
Мэта Праграмы дзеянняў - стварыць сістэмны механізм замацавання Беларусі на Афрыканскім кантыненце ў якасці надзейнага гандлёва-эканамічнага партнёра, які валодае сучаснымі і канкурэнтаздольнымі таварамі, паслугамі, тэхналогіямі і кампетэнцыямі. Яе задачы - сфарміраваць эфектыўны палітычны, гандлёва-эканамічны, лагістычны і гуманітарны інструментарый пашырэння інтарэсаў Беларусі ў Афрыцы, фарміравання ўстойлівых сувязей з краінамі кантынента.
Праграмай дзеянняў вызначаны перспектыўныя напрамкі супрацоўніцтва, тавары экспартнага інтарэсу, інструменты для дасягнення пастаўленых мэт і задач. Праведзена прыярытызацыя краін Афрыкі па ступені інтэнсіўнасці супрацоўніцтва з улікам наяўнасці дыпламатычных прадстаўніцтваў, характару двухбаковых палітычных, гандлёва-эканамічных і гуманітарных адносін, эканамічнага патэнцыялу краін-партнёраў і наяўнасці ў прапрацоўцы сумесных праектаў. З 54 краін Афрыкі вылучаны тры катэгорыі: апорныя кропкі, перспектыўныя краіны, краіны кропкавых ініцыятыў.
Адным з ключавых элементаў Праграмы з'яўляюцца індыкатыўныя паказчыкі па экспарце тавараў і паслуг у краіны Афрыкі на 2026-2030 гады. Гэтыя паказчыкі распрацаваны ў разрэзе апорных кропак, перспектыўных і астатніх краін і прадугледжваюць давядзенне павышаных заданняў па экспарце галіновым міністэрствам, дзяржаўным камітэтам і канцэрнам.
Такім чынам, плануецца забяспечыць вывад фактычнага экспарту тавараў і паслуг у Афрыку да 2030 года на ўзровень каля $1,5 млрд.
Выкананне Праграмы дзеянняў забяспечыць сістэмную работу па актывізацыі супрацоўніцтва з краінамі Афрыкі і павелічэнні паставак беларускай прадукцыі на кантынент.